रिधोरे/प्रतिनिधी: मराठा आरक्षण मागणीसाठी उपोषणास बसलेल्या मनोज जरांगे-पाटील यांची तब्येत खालावल्याने आता आंदोलन अधिक तीव्र झाले आहे.त्यामुळे बार्शी-कुर्डूवाडी रोडवर रिधोरे येथील सिना नदी पुलावर टायर जाळून सकल मराठा समाजाच्या वतीने निषेध व्यक्त करत रास्ता रोको करण्यात आला.यावेळी रस्त्याच्या दुतर्फा वाहनाच्या लांब रांगा लागल्या होत्या.
मराठा आरक्षणासाठी मराठा समाज अधिक आक्रमक झाला असून सरकारने सगेसोयरे यांचा अध्यादेश पारित करण्यासाठी विशेष अधिवेशन बोलावून तत्काळ अंमलबजावणी करावी यासाठी दि.१० फेब्रुवारी पासून मनोज जरांगे पाटील उपोषणास बसलेले आहेत.दरम्यान त्यांची तब्येत खालावली असून या पार्श्वभूमीवर येथील आंदोलकांनी बार्शी- कुर्डूवाडी रोडवर रिधोरे येथे दि.१६ रोजी रात्री ९:३० वा.सिना नदी पुलावर टायर जाळून निषेध व्यक्त केला.
रिधोरे येथे रास्ता रोको;टायर पेटवून व्यक्त केला निषेध
- Advertisment -