धाराशिव – जिल्ह्यात 15 फेब्रुवारी ते 15 मार्च या कालावधीत जमावबंदी व शस्त्रबंदी लागू करण्यात आली असून अपर जिल्हा दंडाधिकारी महेंद्रकुमार कांबळे यांनी याबाबत आदेश काढले आहेत.
याबाबत माहिती अशी की धाराशिव जिल्ह्यात विविध पक्ष संघटना यांचे वतीने त्यांचे मागणी संदर्भात धरणे, मोर्चे, बंद, संप, रस्तारोको, इत्यादी आंदोलनात्मक कार्यक्रम आयोजित आहेत. धाराशिव जिल्ह्यात दिनांक १९ फेब्रुवारी रोजी श्री. छत्रपती शिवाजी महाराज जयंती (शासकीय) उत्सव साजरा होणार आहे. दिनांक २४ फेब्रुवारी रोजी श्री. रोहीदास महाराज जयंती उत्सव साजरा होणार आहे. दिनांक २५ फेब्रुवारी रोजी शब-ए-बरात (बडीरात) हे सण साजरा होणार आहे. दिनांक २७ फेब्रुवारी रोजी श्री महालक्ष्मी देवी मंदिर मोजे चिवरी ता. तुळजापूर येथे यात्रा साजरी होणार आहे, दिनांक ८ मार्च रोजी महाशिवरात्री हे सण / उत्सव साजरा होणार आहे. दिनांक २१ फेब्रुवारी ते दिनांक १९ मार्च या कालावधीत धाराशिव जिल्हयात उच्च माध्यमिक प्रमाणपत्र (HSC) परीक्षा फेब्रवारी मार्च 2024 आयोजित आहेत. दिनांक ०१ मार्च ते दिनांक २६ मार्च या कालावधीत धाराशिव जिल्हयात माध्यमिक प्रमाणपत्र (SSC) परीक्षा फेब्रवारी / मार्च-2024 आयोजित आहेत. मराठा आरक्षण, ओबीसी आरक्षण मिळावे या मागणीसाठी विविध पक्ष / संघटना यांचे कडून आंदोलनात्मक कार्यक्रम होण्याची शक्यता नाकारता येत नाही. पिकविमा व नुकसान भरपाईची देय रक्कम मिळावी आणि इतर मागण्या अनुषंगाने शेतकरी तसेच विविध पक्ष / संघटना यांच कडून धरणे, मोर्चे, उपोषण, आत्मदहन, बंद, निदर्शने, तालाढोको व रास्तारोको इत्यादी प्रकारचे आंदोलनात्मक कार्यक्रम होण्याची शक्यता नाकारता येत नाही. जिल्हयात पर्जन्यमान कमी झाल्याने विविध पक्ष / संघटना व शेतकरी संघटना यांचे कडून धाराशिव जिल्हा दुष्काळग्रस्त जाहीर करावा या मागणीकरीता आंदोलने होत आहेत. धाराशिव जिल्हयात ग्रामीण / शहरी भागात विविध ठिकाणी यात्रा / जत्रा / ऊरुस लहान मोठ्या स्वरुपात साजरे करण्यात येतात. व्यक्ती, व्यक्ती समुह तसेच विविध पक्ष / संघटना यांचे वतीने त्यांच्या विविध मागण्यासाठी अचानकपणे आंदोलनात्मक कार्यक्रम होण्याची शक्यता नाकारता येत नाही तरी वरील प्रमाणे संपन्न होणारे धार्मिक सण उत्सव, कार्यकम व यात्रा जत्रा ऊरुस तसेच आंदोलनात्मक कार्यक्रम धाराशिव जिल्ह्यात शांततेत पार पाडण्याकरिता तसेच कायदा व सुव्यवस्था अबाधित राखण्यासाठी दिनांक 15 फेब्रुवारी रोजीचे 00:01 पासून ते दिनांक १५ मार्च रोजी 24:00 वाजेपर्यंत जमावबंदी व शस्त्रवंदी आदेश संपुर्ण धाराशिव जिल्ह्यात लागू असणार आहेत
खालील बाबी करण्यास मनाई करण्यात येत आहे
1) शस्त्र, सोटे, काठी, तलवार, बंदूक जवळ बाळगणार नाहीत.
2) लाठ्या, काठ्या, शारिरीक इजा होण्यास कारणीभूत ठरतील, सहज हाताळता येतील, अशा वस्तु
3) बाळगणार नाहीत. कोणतेही दाहक पदार्थ, किंवा स्फोटके जवळ बाळगणार नाहीत.
4) दगड किंवा इतर क्षेत्रपणास्त्रे किंवा फोडवयाची किंवा फेकावयाची उपकरणे किंवा साधे गोळे करुन
ठेवणार नाहीत किंवा बाळगणार नाहीत किंवा तयार करणार नाहीत.
5) आवेशी भाषणे, अंगविक्षेपण, विडंबनात्मक नकला करणार नाही सभ्यता, नितिमत्ता यास बाधा येईल किंवा ज्यामुळे राज्याची सुरक्षितता धोक्यात येईल किंवा अराजकता माजेल अशी चित्रे, निशाणी, घोषणा फलक किंवा इतर कोणत्याही वस्तु जवळ बाळगणार नाहीत.
6) जाहिरपणे घोषणा करणे, गाणी म्हणने, वाद्य वाजविणे किंवा कोणतीही कृती जे देशाच्या संविधानातील मुल्यांच्या विरुध्द असेल किंवा देशाचा मान व सार्वभौमत्व यांना इजा पोहचवणारी असेल किंवा सार्वजनिक सुरक्षा आणि सामाजिक सलोखा यांना हानी पोहचवणारी असेल आणि जाहिरपणे प्रक्षोभक भाषण व
7) असभ्य वर्तन करणार नाहीत व्यक्तींच्या किंवा शवांच्या किंवा प्रेते किंवा आकृती किंवा त्याच्या प्रतिमा यांचे प्रदर्शन करणार नाहीत.
8) पाच किंवा त्यापेक्षा अधिक व्यक्तीचा समावेश असलेल्या कोणत्याही जमावास परवानगी शिवाय एकत्र येता येणार नाही किंवा मिरवणुक / मोर्चा काढता येणार नाही,नाहीत.
प्रतिबंधात्मक आदेश हे खालील बाबींकरीता लागू होणार
1 धार्मिक विधी, लग्न सोहळा, सामाजिक सण, शासकीय कार्यक्रम इत्यादी
2) अंत्ययात्रा
3) शासकीय सेवेत तैनात कर्मचारी
4) सार्वजनिक करमणुकीची सिनेमागृह, रंगमंच इत्यादी प्रतिबंधात्मक आदेशाचे काळात कोणताही मोर्चा, मिरवणुका तसेच सभा निवडणूक प्रचार सभेचे
आयोजन करावयाचे झाल्यास संबंधित उपविभागीय दंडाधिकारी यांची लेखी परवानगी घेणे आवश्यक आहे व अशी परवानगी घेतल्यानंतरच उपरोक्त प्रतिबंधात्मक आदेश लागू होणार नाही.
