कारी दि२१(प्रतिनिधी)बार्शी तालुक्यातील तांदुळवाडी येथील सुयश विद्यालयाजवळ गुरूवार ( दि२१) रोजी सायंकाळी पाच वाजण्याच्या सुमारास एस टी बस आणि दुचाकी वाहनाचा भीषण अपघात झाला.
यामध्ये दुचाकीवरील तिघांचा जागीच मृत्यू झाला आहे. धाराशिव आगाराची पुणे-धाराशिव बस बार्शीमार्गे धाराशिवकडे जात होती. तर, धाराशिव येथून दुचाकीवरून तिघे बार्शीच्या दिशेने येत असताना तांदुळवाडी नजीक हा भीषण अपघात झाला. अपघातात कार्तिक रोहित यादव (वय १७रा गोरे गल्ली धाराशिव), ओंकार अनिल पवार (वय २०रा शींगोली ता धाराशिव), ओम दत्ता आतकरे (वय २२रा. शिंगोली ता धाराशिव) मृत व्यक्तीची नावे आहेत. घटनेची माहिती मिळताच पांगरी पोलीस स्टेशनचे पोलीस निरीक्षक शिवाजी जायपात्रे यांनी तात्काळ घटनास्थळी धाव घेतली. अपघातात मयत झालेल्या व्यक्तींचे मृतदेह शवविच्छेदनासाठी रुग्णालयात पाठविण्यात आले आहे.
