उस्मानाबाद – उस्मानाबादचे नगराध्यक्ष मकरंद राजेनिंबाळकर यांनी दिलेला शब्द पाळला असून स्पर्धा परीक्षा अभ्यासकेंद्रासाठी 4000 चौ.मी. जागा नगर परिषदेच्या वतीने देण्यात आली आहे याचा फायदा स्पर्धा परीक्षांची तयारी करणाऱ्या विद्यार्थ्यांना होणार आहे.
मागील काही महिन्यांपूर्वी उस्मानाबाद जिल्हा दौऱ्यावर उच्च व तंत्रशिक्षण मंत्री उदय सामंत उस्मानाबाद येथे आले होते. त्यावेळी जिल्हाधिकारी कार्यालय उस्मानाबाद येथे आढावा बैठक आयोजित करण्यात आली असता यावेळी खासदार ओमप्रकाश राजेनिंबाळकर यांच्यासह आमदार कैलास पाटील व नगराध्यक्ष मकरंद राजेनिंबाळकर हे देखील उपस्थित होते
सदर बैठकीमध्ये आपल्या उस्मानाबाद जिल्ह्यामध्ये एम पी एस स्सी व यु पी एस सी च्या विद्यार्थ्यांना अभ्यास करण्यासाठी एकही मोठी अभ्यासिका किंवा मार्गदर्शन केंद्र उपलब्ध नाही अशी माहीती खासदार ओमप्रकाश राजेनिंबाळकर व आमदार कैलास पाटील मंत्री महोदयांच्या निदर्शनास आणून दिली व याविषयावर चर्चा करण्यात आली. त्यावेळी मंत्री उदय सामंत यांनी जागा उपलब्ध करून दिल्यास अभ्यासिका व मार्गदर्शन केद्र देऊ असा शब्द दिला. त्यावेळी नगराध्यक्ष मकरंद राजेनिंबाळकर यांनी उस्मानाबाद नगर परिषदेचा अध्यक्ष या नात्याने या अभ्यासिकेसाठी नगर परिषदेच्या मालकिची 4000 चौ.मी. जागा देण्याचा शब्द दिला होता. तसेच सदर जागा देण्याच्या कार्यवाही साठी आमदार कैलास पाटील यांनी यशवंतराव चव्हाण महाराष्ट्र मुक्त विद्यापीठ नाशिक येथे पत्राद्वारे पाठपुरावा करुन उस्मानाबाद नगर परिषदेला जागा मागणी ची कार्यवाही करण्यास सागितली. त्या अनुषंगाने नगर परिषद उस्मानाबाद येथे 30 ऑक्टोबर 2021 रोजीच्या सर्वसाधारण सभेमध्ये यशवंतराव चव्हाण महाराष्ट्र मुक्त विद्यापीठ नाशिक उपकेंद्राच्या MPSC व UPSC चा अभ्यास करणाऱ्या विद्यार्थ्यांसाठी अभ्यासिका (लायब्ररी) व मार्गदर्शन केंद्र सुरू करण्यासाठी जागा उपलब्ध करून देणे बाबतचा ठराव पारित करण्यात आला.
सदर ठरावा अन्वये नगर परिषद वाचनालया लगतची नगरपरिषद उस्मानाबाद च्या मालकीची सर्वे नंबर 146 मधील 4000 चौरस मीटर एवढी जागा ही नगर परिषद उस्मानाबाद यांनी उपलब्ध करून दिली आहे असा फलक कायमस्वरूपी असावा या अटीवर यशवंतराव चव्हाण महाराष्ट्र मुक्त विद्यापीठ यांना कायदेशीर बाबी पुर्ण करून सदर जागा हस्तांतरणाची कार्यवाही करणे संदर्भात त्यांच्या सोबत सविस्तर चर्चा करून ठरावासह पत्र देण्यात आले.तसेच त्यांनी जागेची पाहणी देखील केली.
याप्रसंगी नगराध्यक्ष मकरंद राजेनिंबाळकर, यशवंतराव चव्हाण महाराष्ट्र मुक्त विद्यापीठाचे मुंबई विभागाचे सहाय्यक कुलसचिव टि.के. सोनवणे साहेब, कुलसचिव डॉ. कैलास बोरसे, विभागीय संचालक औरंगाबाद डॉ. रमेश शेकोकार यांच्यासह मुख्याधिकारी हरिकल्याण येलगट्टे उपस्थित होते.
