पाथरूड( प्रतिनिधी)भुम तालुक्यातील पाथरूड प्राथमिक आरोग्य केंद्राने रूग्णांना सेवा व चांगली सुविधा देण्याबाबतच्या झालेल्या. मानांकनात तालूक्यात प्रथम क्रमांक मिळविला आहे. स्वास्थ व परिवार कल्याण मंत्रालयाकडून राबविण्यात येत असलेल्या आरोग्य सेवा, रुग्णांच्या सर्वकष उपाचारा बाबतची जागरुकता, विविध योजना,सोयी, सुविधा शासकीय रुग्णालयाकडून योग्य प्रकारे राबविण्यात येतात का? याची शहानिशा करण्यासाठी शासनाच्या वतीने राष्ट्रीय गुणवत्ता हमी मानके (NQAS) या परीक्षण समीतीकडून देशभरात रुग्णालयांची तपासणी करण्यात येते. या राष्ट्रीय तपासणीसाठी धाराशिव जिल्ह्यातील
१० रुग्णालयाची जून २०२४ मध्ये पाहणी करण्यात आली होती. यामध्ये पाथ्रुड प्राथमिक आरोग्य केंद्राला 93.76 % गुण मिळाले असून तालुक्यात अव्वल येण्याचा मान मिळवला आहे. यासाठी मा.जिल्हा आरोग्य अधिकारी डॉ. सतीश हरीदास सर , मा.अतिरिक्त जिल्हा आरोग्य अधिकारी डॉ. विनयशील कुलकर्णी, सर माता व बालसंगोपन आरोग्य अधिकारी डॉ. कुलदीप मिटकरी सर , मा.वैद्यकीय अधिकारी जिल्हा प्रशिक्षण संघ धाराशिव डॉ. मेंढेकर, सर जिल्हा गुणवत्ता अश्वासन सन्मवयक डॉ. संतोष आहेर सर, मा. वैद्यकीय अधिकारी जिल्हा रूग्णालय धाराशिव डॉ. सुशील चव्हाण सर, व भुम तालूका आरोग्य अधिकारी डॉ. अमोल शिनगारे सर यांचे मार्गदर्शन लाभले. पाथरूड प्राथमिक आरोग्य केंद्राचे वैद्यकिय अधिकारी डॉ. एस.बी. गायकवाड मॅडम, डॉ. एम जी.पोतरे सर, तालुकास्तरीय अधिकारी व कर्मचारी यांच्यासह पाथरूड प्राथमिक आरोग्य केंद्रातील सर्व अधिकारी व कर्मचारी, गट प्रवर्तक, आशा स्वंयसेविका यांनी परिश्रम घेतले. या सर्व टीमचे जिल्हाभरातून कौतुक होत आहे.
- धाराशिवकरांना 18 महिने वाट पहायला लावून मुख्यमंत्री-उपमुख्यमंत्री करणार उद्घाटन
- जिल्ह्यात स्थानिक स्वराज्य संस्थांवर ‘महिलाराज’, मात्र राष्ट्रवादीच्या आढावा बैठकीत बोटावर मोजता येतील इतक्या महिला!
- कुस्तीच्या आखाड्यातला मल्ल आता राजकारणाच्या मैदानात शड्डू ठोकणार!
- धाराशिव नगरपरिषदेच्या मतदार यादीत गंभीर त्रुटी; मुख्याधिकाऱ्यांना कारणे दाखवा नोटीस
- धाराशिव जिल्हा परिषद गटांचे आरक्षण जाहीर