धाराशिव : धाराशिव जिल्ह्यात दरोड्याच्या तयारीत असलेले तीन संशयित इसम स्थानिक गुन्हे शाखेच्या पथकाच्या कारवाईत अटकेत आले. त्यांच्या ताब्यातून गावठी बनावटीचे पिस्तूल, कोयता, जिवंत काडतुसे, चारचाकी व दुचाकी वाहनांसह सुमारे ५ लाख ५ हजार ८०० रुपयांचा मुद्देमाल जप्त करण्यात आला आहे.
मा. पोलीस अधीक्षक रितु खोखर व अपर पोलीस अधीक्षक शफकत आमना यांच्या मार्गदर्शनाखाली, स्थानिक गुन्हे शाखेचे पोलीस निरीक्षक विनोद इज्जपवार यांच्या आदेशानुसार सहाय्यक पोलीस निरीक्षक अमोल मोरे, सचिन खटके व त्यांच्या पथकाने ही कारवाई केली.
दि. १७ जून रोजी सायंकाळी साडेसातच्या सुमारास पथक पेट्रोलिंग करीत असताना तेरणा कॉलेजजवळील विमानतळ रस्त्यावर काही संशयित इसम एका कार व तीन दुचाक्यांसह थांबले असल्याची गुप्त माहिती मिळाली. त्यानुसार पथकाने घटनास्थळी जाऊन शासकीय वाहन काही अंतरावर थांबवून पायी तपासणी सुरू केली. पोलिसांना पाहताच दोघे इसम दुचाकीवरून पळून गेले. मात्र, उरलेले तीन संशयित ताब्यात घेतले.
त्यांची नावे पुढीलप्रमाणे :
- धुपकिरण उर्फ अनिलशेट रामलगन चौधरी (वय 47, रा. अरिवला, ता. भानपुर, जि. बस्ती, उत्तर प्रदेश)
- निलेश उर्फ कांचन संभाजी चव्हाण (वय 32, रा. काकानगर, धाराशिव)
- मुकेश शाम शिंदे (वय 24, रा. शिंगोली, धाराशिव)
त्यांच्याकडून ७५ हजार रुपये किमतीचे गावठी पिस्तूल, तीन जिवंत काडतुसे, लोखंडी कोयता, २.३० लाख किमतीची ह्युंडाई सॅंट्रो कार, १.५५ लाख किमतीची बुलेट मोटरसायकल आणि ४५ हजार किमतीची होंडा ॲक्टीवा स्कूटर असा एकूण ५ लाख ५ हजार ८०० रुपयांचा मुद्देमाल जप्त करण्यात आला.
अटक केलेल्या तिघांविरुद्ध धाराशिव ग्रामीण पोलीस ठाण्यात गुन्हा दाखल करण्यात आला असून, पुढील तपास सुरू आहे.
ही कारवाई पोहेकॉ विनोद जानराव, समाधान वाघमारे, नितीन जाधवर, पोलीस नाईक बबन जाधवर, चालक पोहेकॉ महेबुब अरब, पोलीस का. विनायक दहीहांडे व प्रकाश बोईनवाड यांच्या सहभागातून पार पडली.
- अल्पवयीन मुलीवर अत्याचार करून फोटोच्या जोरावर ब्लॅकमेल; लव्ह जिहादचा आरोप, नराधम पोलिसांच्या ताब्यात
- धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
- सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
- परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
- टेक्सटाईल पार्कवरून आ. राणाजगजितसिंह पाटील यांचा यू -टर्न?;
कौडगावसाठी डिफेन्स हबचे नवे आश्वासन, जुन्या बाटलीत नवी दारू!