दैनिक जनमत

धाराशिव (प्रतिनिधी) – वडिलांना झालेल्या मारहाणीप्रकरणी दखलपात्र गुन्हा नोंदवण्याऐवजी केवळ अदखलपात्र गुन्हा दाखल केल्याने संतप्त झालेल्या माय-लेकराने थेट  पोलिस ठाण्यातच विष प्राशन केल्याची धक्कादायक घटना बुधवारी घडली. व्यंकटेश पडिले (वय २२) व त्यांची आई संगीता सतीश पडिले या दोघांना उपचारासाठी धाराशिव वैद्यकीय महाविद्यालय रुग्णालयात दाखल करण्यात आले असून संगीता पडिले यांच्यावर अतिदक्षता विभागात उपचार सुरू आहेत.

नरसिंह सतीश पडिले यांनी काही दिवसांपूर्वी शहर पोलिस ठाण्यात तक्रार दाखल करताना, पैशाच्या कारणावरून त्यांच्या वडिलांवर एका व्यक्तीने मारहाण केल्याचा आरोप केला होता. मात्र, पोलिसांनी या प्रकरणात दखलपात्र गुन्हा दाखल न करता फक्त अदखलपात्र कलमान्वये गुन्हा नोंदवला. वारंवार विनंती करूनही पोलिसांनी दखलपात्र गुन्हा घेतला नाही, असा आरोप कुटुंबीयांनी केला आहे.

या न्याय न मिळाल्याच्या निषेधार्थ व्यंकटेश व त्यांची आई संगीता यांनी आनंद नगर पोलिस ठाण्यातच विषारी पदार्थ प्राशन केला. अचानक घडलेल्या या प्रकारामुळे  पोलिस ठाण्यात खळबळ उडाली. दोघांनाही तातडीने उपचारासाठी रुग्णालयात हलविण्यात आले.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

प्रतिनिधी, भूम

शहरातील कसबा विभागातील धाकटी वेस येथील तालमीतील विठ्ठल रखुमाई मंदिरात आषाढी एकादशीचा पवित्र सोहळा भक्तिमय वातावरणात अत्यंत उत्साहाने पार पडला. विठ्ठल भक्तांच्या निष्ठेचा आणि वारकरी परंपरेचा वारसा जपत, मंदिरात विविध धार्मिक कार्यक्रमांचे आयोजन करण्यात आले होते.

या निमित्ताने सकाळी कसबा विभागातून आकर्षक दिंडीचे आयोजन करण्यात आले होते. टाळ-मृदुंगाच्या गजरात, “जय जय राम कृष्ण हरी” च्या नामस्मरणात, वारकरी पोशाखातील महिला भाविकांनी फुगडी आणि पारंपरिक पाऊड खेळत मोठ्या उत्साहात सहभाग नोंदवला. संपूर्ण परिसर भक्तिरसात न्हाल्याचे चित्र या वेळी दिसून आले.

दिंडी समाप्तीनंतर मंदिरात पारंपरिक पद्धतीने भजनाचा कार्यक्रम आयोजित करण्यात आला. टाळ, मृदुंग आणि अभंगांनी आसमंत दुमदुमून गेला. कार्यक्रमाच्या高潮वर, माजी नगराध्यक्ष संजय नाना गाढवे आणि त्यांच्या पत्नी संयोगिता गाढवे यांच्या हस्ते विठ्ठल रखुमाईची महापूजा पार पडली. भक्तिभावाने ओथंबलेल्या या पूजेनंतर महाआरती करण्यात आली.

महाआरतीनंतर उपस्थित भाविकांना महाप्रसादाचे वाटप करण्यात आले. या संपूर्ण धार्मिक सोहळ्याला परिसरातील पुरुष व महिला भाविकांनी मोठ्या संख्येने उपस्थित राहून भक्तीचा अनुभव घेतला. मंदिर परिसर भक्तिरसाने भारावलेला असून, या उत्सवामुळे वारकरी परंपरेला नवचैतन्य प्राप्त झाल्याचे उपस्थितांनी नमूद केले.

कार्यक्रमाच्या यशस्वी आयोजनासाठी स्थानिक कार्यकर्ते, महिला मंडळ, आणि मंदिर समितीचे सदस्य यांनी परिश्रम घेतले.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

परंडा, ६ जुलै : परंडा तालुक्यातील सिरसाव ग्रामपंचायतीमध्ये १५व्या वित्त आयोगाच्या निधीतून मंजूर पाणी फिल्टर प्रकल्पातील काम न करता तब्बल ७ लाख ५७ हजार रुपयांचा अपहार करण्यात आल्याचा प्रकार उघडकीस आला आहे. याप्रकरणी तत्कालीन गटविकास अधिकारी संतोष नागटिळक यांच्यासह सहाजणांवर कारवाईची नोटीस बजावण्यात आली आहे. गटविकास अधिकारी रावसाहेब चकोर यांच्या या धडक निर्णयामुळे तालुक्यात खळबळ उडाली आहे.

ग्रामस्थ गजानन पाटील, श्रीराम बोबडे आणि उमेश जाधव यांनी हा प्रकार उजेडात आणत पंचायत समितीकडे तक्रार दाखल केली होती. या तक्रारीनंतर विस्तार अधिकारी मार्फत चौकशी करण्यात आली. चौकशीत जिल्हा परिषद शाळेसाठी ३.२५ लाख आणि महालक्ष्मी मंदिर परिसरासाठी ४.३२ लाख रुपये निधी २०२२ मध्ये उचलण्यात आल्याचे निष्पन्न झाले. मात्र आजअखेर पाणी फिल्टर पूर्णतः बसवले गेले नसल्याचेही उघड झाले.

पाणी फिल्टरचे काम अपूर्ण असतानाही संबंधित अभियंत्याने चुकीचे मोजमाप करून बिल पास केल्याचे स्पष्ट झाले आहे. शिवाय, ग्रामपंचायतीने ठेकेदाराला ताबा पत्र देवून शासनाची फसवणूक केल्याचा ठपका ठेवण्यात आला आहे.

ग्रामसेवक, सरपंच, अभियंता, ठेकेदार आणि तत्कालीन गटविकास अधिकारी यांनी संगनमत करून ही रक्कम उचलल्याचा ठपका ठेवण्यात आला असून खालील सहाजणांना अपहाराची रक्कम ७ दिवसात भरण्याचे आदेश देण्यात आले आहेत :

• संतोष नागटिळक (तत्कालीन गटविकास अधिकारी) – ₹1,44,071
• पी.एम. जाधव (तत्कालीन ग्रामसेवक) – ₹1,44,071
• यशवंत हजगुडे (अभियंता) – ₹1,08,398
• संतोष लोकरे (ठेकेदार, सन फार्मा कंपनी) – ₹1,44,071
• कुमार पांडुरंग वायकुळे (सरपंच) – ₹1,08,398
• उल्हास देवकते (तत्कालीन ग्रामसेवक) – ₹1,08,398

गटविकास अधिकारी रावसाहेब चकोर यांनी ४ जुलै रोजी ही नोटीस काढत संबंधितांना ७ दिवसांत रक्कम भरण्याचे निर्देश दिले असून न भरल्यास कायदेशीर कारवाईचा इशारा दिला आहे.

या कारवाईमुळे परंडा तालुक्यातील भ्रष्ट अधिकारी व कर्मचाऱ्यांमध्ये एकच खळबळ उडाली आहे. सिरसाव ग्रामस्थांच्या जागरूकतेमुळे हा अपहार उघडकीस आला असून, इतर ग्रामपंचायतींमधील निधी दुरुपयोग प्रकरणांचीही चौकशी करावी, अशी मागणी नागरिकांकडून जोर धरत आहे.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

ऑनलाइन गेमिंगचे व्यसन; २५ लाखांच्या बनावट लुटीचा कट उघड

धाराशिव –
“गंगाधर ही शक्तिमान है!” हे वाक्य केवळ टीव्ही मालिकेतच नव्हे, तर खऱ्या आयुष्यातही लागू पडल्याचे उदाहरण समोर आले आहे. लोकमंगल को-ऑपरेटिव्ह बँक नळदुर्ग शाखेचे मॅनेजर कैलास घाटे यांनी स्वतःच २५ लाख रुपयांची बनावट लूट घडवून आणल्याचे पोलिसांच्या कसोशीनं केलेल्या तपासात उघड झाले आहे. विशेष म्हणजे, यामागे ऑनलाइन गेमिंगचे व्यसन आणि त्यामुळे झालेला आर्थिक डोंगर हे प्रमुख कारण ठरले.

घटना ३० जून रोजी संध्याकाळी ७ वाजेच्या सुमारास सोलापूर महामार्गावरील ईटकळ टोल नाक्याजवळ घडल्याचे सांगण्यात आले होते. कैलास घाटे यांनी पोलिसांना दिलेल्या तक्रारीनुसार, दोन अज्ञात इसमांनी त्यांना अडवून मारहाण केली, डोळ्यात चंटणी टाकली आणि २५ लाखांची रोकड लुटली. त्यांच्या या जबाबामुळे खळबळ उडाली होती.

मात्र स्थानिक गुन्हे शाखेचे पोलीस निरीक्षक विनोद इज्जपवार आणि त्यांच्या पथकाने केलेल्या तांत्रिक आणि वैयक्तिक तपासातून वेगळेच चित्र समोर आले. सुरुवातीला “पिडीत” म्हणून वावरणाऱ्या घाटे यांची देहबोली, बोलण्यात आलेली विसंगती आणि त्यांच्या आर्थिक व्यवहारांची माहिती घेतल्यानंतर पोलिसांना संशय गडद झाला.

तपासात समोर आले की, कैलास घाटे यांना ऑनलाईन गेम खेळण्याचे अतिव्यसन लागले होते. यामध्ये त्यांनी मोठ्या प्रमाणात पैसे गमावले होते. वाढत्या कर्जबाजारीपणातून सावरण्यासाठी त्यांनी चक्क बनावट लूट घडवून आणण्याचा कट आखला.

सखोल चौकशीदरम्यान पोलिसांनी जबाबदारीने विचारपूस केली असता त्यांनी अखेर सत्य उघड केले आणि लपवून ठेवलेले २५ लाख रुपयेही पोलीसांच्या ताब्यात दिले.

ही कारवाई यशस्वी करणारे अधिकारी व पथक:
पोलिस अधीक्षक श्रीमती रितु खोखर, अपर पोलिस अधीक्षक शफकत आमना यांच्या मार्गदर्शनाखाली पोलीस निरीक्षक विनोद इज्जपवार यांच्या नेतृत्वाखाली तीन स्वतंत्र पथकांनी हे गूढ उकलले. या पथकात पोलीस निरीक्षक सचिन यादव, सहाय्यक पोलीस निरीक्षक सुदर्शन कासार, सचिन खटके, जावेद काझी, अमोल मोरे, अशोक ढगारे, विजय घुगे, फरहान पठाण यांच्यासह अनेक कर्मचाऱ्यांचा समावेश होता.

एकीकडे बँक मॅनेजर पदावर काम करणारा अधिकारी, तर दुसरीकडे ऑनलाइन जुगाराच्या विळख्यात सापडलेला व्यसनी – ही दुहेरी भूमिका कैलास घाटे यांनी साकारली आणि “पिडीतच आरोपी” असल्याचा दुर्मिळ प्रकार समोर आला. पोलीस यंत्रणेच्या सखोल तपासामुळे हा बनाव उघड झाला, अन्यथा हा प्रकार अनेक प्रश्न अनुत्तरित ठेवून गेला असता.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

मेंढरांच्या रिंगणाने रंगला भक्तीमय सोहळा

भूम, प्रतिनिधी – पांडुरंग… पांडुरंग हरी… अशा भक्तिरसात न्हालेल्या गजरांनी आणि टाळ-मृदंगाच्या निनादाने भूम नगरी पुन्हा एकदा वारकरी संप्रदायाच्या भक्तिभावाने उजळून निघाली. आषाढी एकादशीच्या निमित्ताने श्री संत मुक्ताबाई यांच्या पालखीचे मुक्ताईनगर येथून पंढरपूरच्या दिशेने प्रस्थान झाले असून, ती मजल दरमजल करत अखेर भूम शहरात आगमनास आली.

पालखीचे शहरात आगमन होताच, वातावरणात एक वेगळाच आध्यात्मिक भार जाणवू लागला. विठूनामाच्या जयघोषात, भक्तीमय अभंगगायनात व पुरुष-महिला वारकऱ्यांच्या संकीर्तनात संपूर्ण शहर दुमदुमून गेले. शहरातील विविध भागांतून फुलांची उधळण, हरिपाठ, कीर्तन, भजन व सेवाभावी स्वागत यामुळे पालखी मार्गावर भक्तीचा महासागर उसळला.

नागोबा चौकात ‘रिंगण’ सोहळा ठरला आकर्षणाचा केंद्रबिंदू
शहरातील नागोबा चौकात श्री संत बाळूमामा च्या मेंढराणे येथून आलेल्या संत मुक्ताबाई यांच्या पालखीचे आगमन झाल्यावर, पारंपरिक पद्धतीने मेंढरांचे भव्य ‘रिंगण’ सादर करण्यात आले. टाळ- मृदंगाच्या गजरात वारकऱ्यांनी विठूनामाचा जयघोष करत ठेका धरला, आणि उपस्थितांचे मनोबल उंचावले. भक्तिमय वातावरणात रंगलेल्या या रिंगणाने नागरिकांना मंत्रमुग्ध केले.

फराळ, भोजन, स्वागत… भक्तांसाठी सेवाभावाचे दर्शन
जिजाऊ चौकात नागोबा तरुण मंडळाच्या वतीने वारकऱ्यांसाठी फराळाची उत्तम व्यवस्था करण्यात आली होती. त्यानंतर पालखी साहिल उद्योग समूहाच्या हॉटेल एस पार्क समोर पोहोचली असता, माजी नगराध्यक्ष संजय गाढवे व नियोजन समिती सदस्या सौ. संयोगिता संजय गाढवे यांनी पालखीचे विधिवत पूजन करत दर्शन घेतले. यावेळी सूरज गाढवे, रामभाऊ बागडे, सुनील माळी, दत्ता नलवडे, मुशीर शेख, अण्णा जाधव, गपाट यांच्यासह ‘विकासरत्न संजय नाना गाढवे प्रतिष्ठान’चे कार्यकर्ते मोठ्या संख्येने उपस्थित होते.

न.पा.च्यावतीने गौरवाचे स्वागत
पालखी सोहळा नगरपालिका चौकात पोहोचताच, भूम नगरपालिकेच्या वतीने नगर अभियंता गणेश जगदाळे, श्रीधर चव्हाण, ज्ञानेश्वर टकले, सुनील शेटे, तानाजी नाईकवाडी, सतीश कोकणे, नसीम मणियार व अन्य कर्मचाऱ्यांनी पालखीचे पूजन करून भक्तिभावाने स्वागत केले.

भोजन व्यवस्थेत गोष्टी समाजाचा सहभाग
याच परिसरातील चौंडेश्वरी मंदिराजवळ गोष्टी समाज बांधवांच्या वतीने पालखी सोहळ्यात सहभागी झालेल्या वारकऱ्यांसाठी भोजन व्यवस्थेचे आयोजन करण्यात आले होते. या सेवाभावी उपक्रमामुळे वारकऱ्यांच्या चेहऱ्यावर समाधान झळकले.

रवींद्र हायस्कूल येथे विसावा
दुपारनंतर संत मुक्ताबाई यांची पालखी शहरातील रवींद्र हायस्कूल येथे विसाव्यास थांबली. या ठिकाणी वारकऱ्यांना विश्रांतीची व धार्मिक चिंतनाची संधी मिळाली.

भाविकांच्या मनात उमलली पंढरपूरची ओढ
या संपूर्ण सोहळ्याने भूम शहरातील वारकरी भाविकांच्या मनात पंढरपूरची ओढ अधिकच बळावली. भक्ती, सेवा आणि सामूहिक सहभाग यांचे सुंदर दर्शन घडवणाऱ्या या पालखी सोहळ्याने वारकरी परंपरेचे अधोरेखित केले.

विशेष:
मेंढरांचे रिंगण, पारंपरिक फराळ, हरिपाठ आणि पालखीचा उत्सव… भूम शहराने यंदाही वारकरी परंपरेचा सन्मान राखत भाविकांना भक्तिरसात न्हाल्याचा अनुभव दिला.

धाराशिव नगरपरिषदेच्या कारभारावर तीव्र संताप; विभागीय चौकशीची मागणी, आंदोलनाचा इशारा

धाराशिव : धाराशिव शहरातील नागरी समस्या दिवसेंदिवस तीव्र होत असून, नगरपरिषदेचा कारभार पूर्णपणे कोलमडल्याचा आरोप करत रिपब्लिकन पार्टी ऑफ इंडिया (आठवले गट) ने धाराशिव नगरपरिषदेच्या मुख्याधिकारी वसुधा फड यांना बडतर्फ करण्याची मागणी केली आहे. RPI (डे) चे जिल्हा संपर्क प्रमुख राज धज यांच्या नेतृत्वाखालील शिष्टमंडळाने जिल्हाधिकाऱ्यांमार्फत मुख्यमंत्री एकनाथ शिंदे यांच्याकडे निवेदन सादर करत, विभागीय आयुक्त स्तरावर चौकशी करून फड यांच्यावर कडक कार्यवाही करण्याची मागणी केली.

राज धज, अनिल वाघमारे, भोसले कृष्णा, कौतुक माने, अजय माने यांच्यासह अनेक पदाधिकाऱ्यांनी हस्ताक्षरित केलेल्या निवेदनात धाराशिव शहरात गेल्या अडीच वर्षांपासून प्रशासक प्रणाली लागू असल्याने नगरपालिकेचा कारभार मुख्याधिकारी वसुधा फड यांच्याकडे आहे. मात्र, त्यांच्या निष्क्रीय आणि बेफिकीर कारभारामुळे शहरातील रस्ते, नाल्या, पथदिवे, कचरा व्यवस्थापन, उद्याने, स्वच्छतागृहे आदी नागरी सुविधा पूर्णतः ठप्प झाल्या आहेत. परिणामी, नागरिकांना शारीरिक, मानसिक आणि आर्थिक त्रास सहन करावा लागत आहे.

रस्ते खड्डेमय, सांडपाणी रस्त्यावर

निवेदनात नमूद करण्यात आले आहे की, शहरातील बहुतांश रस्ते खड्डेमय असून वारंवार निवेदन देऊनही त्यांची दुरुस्ती करण्यात आलेली नाही. परिणामी वाहतूक कोंडी, अपघात, किरकोळ वाद-भांडणे सतत घडत आहेत. याशिवाय, शहरातील नाल्यांची दुरुस्तीही न केल्याने अनेक भागांमध्ये सांडपाणी थेट रस्त्यावर वाहत आहे. त्यामुळे दुर्गंधी पसरून नागरिकांचे आरोग्य धोक्यात आले आहे.

अंधारात शहर, वाढलेले गुन्हे

शहरातील पथदिवे गेल्या अनेक महिन्यांपासून बंद असून, रस्ते अंधारात गेल्यामुळे चोरी, दरोडे यासारख्या गुन्ह्यांचे प्रमाण वाढले आहे. यासोबतच कचरा व्यवस्थापनही पूर्णतः कोलमडले असून विविध भागांमध्ये कचराकुंड्या भरून वाहत आहेत. त्यामुळे मोकाट जनावरांचा त्रास वाढला असून नागरिक वारंवार जखमी होत आहेत.

उद्याने आणि स्वच्छतागृहे दयनीय अवस्थेत

शहरातील सार्वजनिक उद्याने झुडपांनी झाकली गेली असून खेळणी तुटलेली, कुंपण पडलेली आहेत. त्यामुळे लहान मुलांसह नागरिकांच्या करमणुकीचा हक्क हिरावून घेतला गेला आहे. तसेच शहरातील सार्वजनिक स्वच्छतागृहे अत्यंत अस्वच्छ असून देखभाल व्यवस्थाच ठप्प झाल्याचे आरोप करण्यात आले आहेत.

भ्रष्टाचाराच्या तक्रारींकडे दुर्लक्ष

धज यांच्या म्हणण्यानुसार, मुख्याधिकारी फड यांच्या कार्यकाळात विविध भ्रष्टाचाराच्या तक्रारी प्राप्त झाल्या असून त्यांच्यावर कोणतीही कार्यवाही न करता दोषींना पाठीशी घालण्यात आले आहे. याशिवाय, शासन आदेशांचे पालनही त्यांनी केलेले नाही.

आंदोलनाचा इशारा

मुख्याधिकारी वसुधा फड यांच्या निष्क्रीयतेमुळे संपूर्ण नगरपरिषदेचा कारभार धोक्यात आला आहे. त्यामुळे त्यांना तात्काळ बडतर्फ करून विभागीय आयुक्त स्तरावर चौकशी व्हावी आणि कठोर कारवाई करण्यात यावी, अशी ठाम मागणी आरपीआय (डे) कडून करण्यात आली आहे. अन्यथा लोकशाही मार्गाने तीव्र आंदोलन छेडले जाईल, असा इशारा देखील या निवेदनात देण्यात आला आहे.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

परंडा, २८ जून (प्रतिनिधी) – परंडा तालुक्यातील चिंचपूर बुद्रुक येथील जिल्हा परिषद केंद्रीय प्राथमिक शाळेत शनिवारी (२८ जून) सकाळी एक शिक्षक दारूच्या नशेत शाळेत हजर झाल्याने गावात खळबळ उडाली आहे. सदर प्रकारामुळे पालक, शाळा समिती सदस्य आणि ग्रामस्थांत तीव्र संताप व्यक्त होत असून शाळेच्या मुख्याध्यापक व व्यवस्थापन समितीने गटशिक्षणाधिकाऱ्यांकडे लेखी तक्रार दाखल केली आहे.

प्राप्त माहितीनुसार, शनिवारी सकाळी नेहमीप्रमाणे शाळेची घंटा वाजली. मात्र, ८ वाजून ५ मिनिटांनी वर्गात प्रवेश करणारे शिक्षक पी. एम. मोहळकर हे मद्यधुंद अवस्थेत असल्याचे मुख्याध्यापकांच्या लक्षात आले. त्यांच्या हालचाली, वाणी आणि शरीरावरून स्पष्ट दिसत होते की ते पूर्णपणे शारीरिक आणि मानसिकदृष्ट्या शिकवण्याच्या अवस्थेत नव्हते.

मुख्याध्यापकांची तत्काळ कारवाई

मुख्याध्यापकांनी ही गंभीर बाब लक्षात घेऊन तात्काळ शाळा व्यवस्थापन समितीचे अध्यक्ष यांना फोनद्वारे माहिती दिली. काही वेळातच समिती अध्यक्षांसोबत गावचे सरपंच महेश देवकर, इतर सदस्य आणि काही पालक शाळेत पोहोचले. त्यांनी प्रत्यक्ष पाहणी केली असता शिक्षक मोहळकर हे स्पष्टपणे नशेच्या अवस्थेत असल्याची खात्री पटली.

या घटनेचे व्हिडीओ चित्रण काही पालकांनी आपल्या मोबाईलद्वारे केले असून यासंदर्भात गटविकास अधिकारी यांना देखील तातडीने फोनवरून माहिती देण्यात आली. मुख्याध्यापकांनी गटशिक्षणाधिकारी यांच्याकडे सविस्तर लेखी तक्रार दाखल केली आहे.

पूर्वीही वर्तणुकीविषयी तक्रारी

गावकऱ्यांच्या म्हणण्यानुसार, हा प्रकार पहिल्यांदाच घडलेला नाही. यापूर्वीही संबंधित शिक्षकाच्या वर्तनासंबंधी तोंडी सूचना देण्यात आल्या होत्या. मात्र, शिक्षक मोहळकर यांनी वारंवार विनयभंगासारख्या असमर्थनीय कृती, विद्यार्थ्यांवर हलगर्जीपणा व शिकवण्यामधील उदासीनता दाखवली होती, असा आरोप ग्रामस्थांनी केला आहे.

शिक्षण खात्याकडून कठोर कारवाईची मागणी

या प्रकारामुळे शाळेतील शैक्षणिक वातावरणावर नकारात्मक परिणाम झाला आहे. विद्यार्थ्यांचे मनोबल खच्ची झाले असून पालकांत अस्वस्थता पसरली आहे. शाळेतील बाकी शिक्षक व शिक्षिका या घटनेमुळे नाराज असून शिक्षण खात्याने संबंधित शिक्षकावर त्वरित निलंबन किंवा बदलीसारखी कार्यवाही करावी, अशी मागणी शाळा समितीने केली आहे.

तालुक्याचे लक्ष गटशिक्षणाधिकाऱ्यांच्या भूमिकेकडे

सध्या संपूर्ण परंडा तालुक्यात या घटनेची चर्चा असून गटशिक्षणाधिकारी यांच्याकडून या शिक्षकावर काय कार्यवाही केली जाते, याकडे ग्रामस्थ, पालक आणि शिक्षण क्षेत्रातील व्यक्तींकडून तीव्र लक्ष लागले आहे. याप्रकारे नशेत शिक्षक शाळेत हजर राहणं हे केवळ शिस्तभंग नाही, तर मुलांच्या भविष्यासाठी धोका आहे, असं पालकांचं म्हणणं आहे.

शाळा व्यवस्थापन समिती आणि पालक यांचं एकत्रितपणे केलेलं पाऊल ही एक सकारात्मक बाब आहे. शिक्षण क्षेत्रातील शिस्त आणि दर्जा टिकवण्यासाठी अशा घटनांवर तात्काळ आणि कठोर कारवाई होणे आवश्यक आहे.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी

धाराशिव | २५ जून २०२५ :
दरोडा, जबरी चोरी, वाहन चोरी यांसारख्या गंभीर गुन्ह्यांमध्ये अनेक वर्षांपासून पोलिसांना गुंगारा देणारा कुख्यात गुन्हेगार मोतीराम उर्फ कुक्या बादल शिंदे (रा. मोहा, ता. कळंब, जि. धाराशिव) याला अखेर स्थानिक गुन्हे शाखेच्या पथकाने अटक केली आहे. तब्बल १७ गुन्ह्यांमध्ये पाहिजे असलेला ‘कुक्या’ हा पोलिसांच्या रडारवर असूनही अनेक महिन्यांपासून फरार होता.

स्थानिक गुन्हे शाखेचे सपोनि सुदर्शन कासार आणि त्यांच्या पथकाने २५ जून रोजी शहरातील वरुडा पुलाजवळ सापळा रचून ही कारवाई केली. गस्तीदरम्यान गोपनीय बातमीदारामार्फत माहिती मिळाल्यानंतर हे धाडस केले गेले. कुक्या काही कामानिमित्त धाराशिव शहरात येणार असल्याची माहिती खात्रीशीर ठरली आणि पथकाने क्षणाचाही विलंब न करता अचूक नियोजनाने आरोपीला शिताफीने ताब्यात घेतले.

कुक्याच्या गुन्हेगारी पार्श्वभूमीकडे पाहता तो धाराशिव, लातूर, बीड, तसेच नवनिर्मित अहिल्यानगर जिल्ह्यात दाखल असलेल्या गुन्ह्यांमध्ये प्रमुख आरोपी आहे. त्याच्यावर तब्बल पाच दरोडे, एक जबरी चोरी, एक दरोड्याचा प्रयत्न आणि दहा मोटरसायकल व डिझेल चोरीचे गुन्हे नोंद आहेत. अनेक गुन्ह्यांमध्ये तपास अधिकाऱ्यांना गुंगारा देत असलेल्या कुक्याचा अखेर पर्दाफाश करण्यात पोलिसांना यश आले आहे.

ही उल्लेखनीय कारवाई धाराशिवच्या पोलीस अधीक्षक श्रीमती रितु खोखर आणि अप्पर पोलीस अधीक्षक श्रीमती शफकत आमना यांच्या मार्गदर्शनाखाली करण्यात आली. स्थानिक गुन्हे शाखेचे पोलीस निरीक्षक विनोद इज्जपवार, सपोनि सुदर्शन कासार, पोहेका शौकत पठाण (ब.क्र. ५७६), जावेद काझी (२८९), प्रकाश औताडे (९२९), फरहान पठाण (१२७५), चापोका नितीन भोसले (४८४), रत्नदीप डोंगरे (५३९) यांनी मिळून ही धडक कारवाई केली.

सदर आरोपीला पुढील कारवाईसाठी धाराशिव ग्रामीण पोलिसांच्या ताब्यात देण्यात आले आहे. या यशस्वी कारवाईमुळे नागरिकांमध्ये दिलासा निर्माण झाला असून, पोलिस दलाच्या गुप्त माहिती संकलन व अंमलबजावणी क्षमतेचे पुन्हा एकदा कौतुक होत आहे.

• राष्ट्रीय महामार्गावरून जाणाऱ्या वाहनांमधून माल लुटणाऱ्या दोन सराईत आरोपींना अटक
• जिल्हा परिषदेच्या पुरस्कार वितरणात राजकारण;निकष पूर्ण न करणाऱ्यांचा गौरव
• पारगावात अवैध वेश्याव्यवसायाचा पर्दाफाश हॉटेल पृथ्वीराज लॉजवर छापा; दोन पीडित मुलींची सुटका
• राजकीय राजधानीत गावगाडा विरुद्ध राजवाडा रंगत रंगणार,  इंजिनियर विरुद्ध इंजिनियर उभारणार
• राज्यातील १२ जिल्हा परिषदा व १२५ पंचायत समित्यांसाठी ५ फेब्रुवारीला मतदान; ७ फेब्रुवारीला मतमोजणी