धाराशिव | दि. 26 ऑगस्ट 2025
धाराशिव शहरातील वाढत्या नागरी समस्यांबाबत नगर परिषद प्रशासन व राज्य सरकार अपयशी ठरल्याचा आरोप करत शहर काँग्रेसतर्फे आज नगर परिषद कार्यालयावर धरणे आंदोलन करण्यात आले.
काँग्रेस पदाधिकाऱ्यांनी दिलेल्या निवेदनात नागरिकांना मुलभूत सुविधा न मिळाल्याने त्रस्त जनतेला आंदोलनाचा मार्ग स्वीकारावा लागल्याचे म्हटले आहे. यापूर्वीही विविध निवेदने, आंदोलने तसेच दिनांक 09 ऑक्टोबर 2023 रोजी झालेल्या चर्चेत हे मुद्दे मांडण्यात आले होते. परंतु समस्यांचे निराकरण न झाल्यामुळे आज पुन्हा आंदोलन करण्यात आल्याचे काँग्रेसने स्पष्ट केले.
काँग्रेसच्या प्रमुख मागण्या :
- शहरातील अस्वच्छता व दुर्गंधी दूर करून नियमित व योग्य स्वच्छता व्यवस्था करावी.
- भटक्या कुत्र्यांसह मोकाट जनावरांचा बंदोबस्त करावा.
- धिम्या गतीने सुरू असलेली भुयारी गटार योजना दर्जेदार पद्धतीने पूर्ण करावी.
- मंजूर 140 कोटी रुपयांच्या 59 रस्ते व नाल्यांच्या कामांना तातडीने सुरुवात करावी.
- शहरात नागरिकांसाठी उद्यानांची निर्मिती व सुशोभीकरण करावे.
- आठवडी व दररोजच्या बाजारातील सोयीसुविधा वाढवाव्यात.
- बंद पडलेले पथदिवे कार्यान्वित करावेत.
- पाणीपुरवठा सुरळीत व मुबलक प्रमाणात करावा.
- कचरा डेपोचे स्थलांतर करून रहिवाशांना दिलासा द्यावा.
- भोगावती नदी स्वच्छता व सौंदर्यीकरणासाठी ठोस नियोजन करावे.
- रस्त्यांवरील धुळीवर नियंत्रण ठेवून आरोग्य धोक्यांपासून नागरिकांना वाचवावे.
- वाहतूक व्यवस्था सुरळीत करावी.
- जुन्या तात्पुरत्या मंजूर रेखांकनांना अंतिम मंजुरी द्यावी.
आंदोलनात मोठ्या संख्येने काँग्रेस कार्यकर्त्यांची उपस्थिती
या आंदोलनात विश्वास शिंदे, राजाभाऊ शेरखाने, खलील सय्यद, प्रशांत पाटील, अग्निवेश शिंदे, ॲड. जावेद काझी, डॉ. स्मिता शहापूरकर, सय्यद नादेरुल्लाह, विजय मुद्दे, उस्मान कुरेशी, मिलिंद बनसोडे, प्रेमानंद सपकाळ, अशोक बनसोडे, प्रभाकर लोंढे, मन्सूर कुरेशी, एक्बाल कुरेशी, यासेर काजी, सरफराज काजी, धवलसिंह लावंड, सागर गायकवाड, अलीम एल.डी., हरिदास शिंदे, कपिल सय्यद, सय्यद काजी, शेख मुद्दिक, महादेव पेठे, संतोष पाटील, अब्दुल लतीफ, शहानवाज सय्यद, प्रशांत पाटील, संजय गजधने, आनंद बनसोडे, सय्यद मन्सूर, जयसिंग पवार, शिंदे विश्वासराव, उमेश राजेनिंबाळकर, अजहर पठाण, शेख हज्जू, शेख नूर, ऋषिकेश बनसोडे, अभिषेक बनसोडे, नंदकुमार पडवळ, राजेंद्र कुराडे, ॲड. राजुदास आडे आदींसह मोठ्या संख्येने काँग्रेस कार्यकर्ते उपस्थित होते.
काँग्रेसने इशारा दिला आहे की, जर वरील मागण्यांवर तातडीने सकारात्मक पाऊले उचलली नाहीत, तर आणखी तीव्र आंदोलन उभारण्यात येईल.
- सर्वपक्षीय विरोधकांना टक्कर देत आमदार तानाजी सावंतांनी गड राखला
- विद्यार्थ्यांच्या वर्दळीच्या रस्त्यावर अपघात; दोन ट्रॅक्टर पलटी, दुकाने व नागरिक थोडक्यात बचावले
- पेट्रोल पंपाला दंड,धाराशिव जिल्हा ग्राहक तक्रार निवारण आयोगाचा महत्त्वपूर्ण निकाल
- विदेशी दारू तस्करीवर उत्पादन शुल्क विभागाची धडक; १४ लाखांचा मुद्देमाल जप्त
- भाजपची हुजरेगिरी करणे महागात पडले, खोटी माहिती पसरवल्याने अखेर तीन सोशल मिडिया पेजवर गुन्हा दाखल, महाराष्ट्रात खळबळ!