उस्मानाबाद – उस्मानाबाद जिल्ह्यातील कोरोना बाधितांची संख्या दिवसेंदिवस वाढत आहे. शिरढोण येथील ३३ वर्षीय महिला आणि मुरूम येथे २३ वर्षीय तरुणाचा कोरोना अहवाल पाॅझिटीव्ह आला असल्याची माहिती जिल्हा शल्यचिकित्सक डॉ. राजाभाऊ गलांडे यांनी दिली. आज जिल्ह्यात एकूण ४१ रुग्णांचे अहवाल आले. त्यातील दोघांचे अहवाल होकारात्मक आले आहेत. तर ३४ जणांचे अहवाल नकारात्मक आहेत तर ४ जणांचे अहवाल प्रलंबित आहेत आणि चाचणीसाठी पाठवलेला एक नमुना रद्द करण्यात आलेला आहे. मुरूम येथे नव्याने रुग्ण आढळल्याने रेड झोन मध्ये वाढ होत आहे.