वाशी ( प्रतिनिधी राहुल शेळके): धाराशिव जिल्ह्यातील वाशी तालुक्यातील पारा येथील पि.एम.श्री.जि.प .कें.प्रा. शाळेतील 301 विद्यार्थ्यांना शनिवारी, दि. १८ जुलै रोजी विद्यार्थ्यांना देण्यात आलेल्या शालेय पोषण आहारात आळ्या आढळल्याचा आरोप पालकांनी केला आहे.या घटनेनंतर पालकांनी अन्न व औषध प्रशासन (FDA) कडे तक्रार दाखल केली होती .
सदरील तक्रारीची तात्काळ दखल घेत अन्न व औषध प्रशासनाचे धाराशिव चे पथक घटनास्थळी दाखल झाले. पथकाने शनिवारी रात्री उशिरापर्यंत शाळेतील पोषण आहार, वापरलेले धान्य व इतर संबंधित साहित्याचे नमुने तपासणीसाठी ताब्यात घेतले आहेत . खराब मालाची पथकाने खड्डा करून त्याच ठिकाणी विल्हेवाट लावली आहे .
शनिवारी मुलांनी घरी आणलेला भाताचा डब्बा उघडून बघितला असता त्यात टाकलेल्या सोयाबीन वड्या मध्ये आळ्या निघाल्याची माहिती पालकांनी शाळेला दिली. सदरील सोयाबीन वड्या बाहेरून चांगल्या दिसत असल्या तरी त्या फोडून बघितल्या तर आत मध्ये अळ्या दिसत आहेत.तरी संबंधित पुरवठादार, आहार तयार करणारी यंत्रणा आणि जबाबदार अधिकाऱ्यांची चौकशी करून विद्यार्थ्यांच्या जीवाशी होणार खेळ थांबवावा अशी मागणी पालकांनी केली आहे .
दरम्यान, वाशीचे गटशिक्षणाधिकारी सोमनाथ घोलप यांनी सांगितले की, तालुक्यातील सर्व शाळांना मुदत संपलेले अन्नपदार्थ तपासून शिजवण्याचे आदेश देण्यात येणार आहेत. शालेय पोषण आहार तयार करताना आवश्यक ती काळजी घेण्याच्या सूचनाही देण्यात येणार असल्याचे त्यांनी स्पष्ट केले.
अन्न व औषध प्रशासनाने नमुने प्रयोगशाळेत तपासणीसाठी पाठवले असून, अहवाल प्राप्त झाल्यानंतर पुढील कारवाई केली जाणार असल्याची माहिती अधिकाऱ्यांनी प्रतिनिधीशी बोलताना दिली आहे. या घटनेमुळे परिसरात शालेय पोषण आहाराच्या गुणवत्तेबाबत प्रश्नचिन्ह निर्माण झाले आहे.
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
- परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त
- परंड्यात महावितरणचा ट्रान्सफॉर्मर चोरट्यांनी केला लक्ष्य; ६० किलो कॉपर तार आणि ऑईल चोरीला
- विठ्ठल दर्शनासोबत आधुनिक शेतीचे पंढरीत दर्शन (श्रीमंत सुधाकरपंत परिचारक कृषी महोत्सवाचा जय्यत तयारी मुख्यमंत्र्यांच्या हस्ते उद्घाटन)
- पि.एम.श्री.जि.प.कें.प्रा.पारा शाळेतील पोषण आहारात अळ्या आढळल्याचा पालकांचा आरोप; अन्न व औषध पथकाकडून अन्नधान्याची तपासणी