धाराशिव – तुतारी और कमल एकीच है हे प्रचंड व्हायरल झाल्यानंतर आज धाराशिव नगरपालिकेच्या सर्वसाधारण सभेत भाजप आणि राष्ट्रवादीच्या नगरसेवकांत गोंधळ पहायला मिळाला. जो विषय सर्वसाधारण सभेच्या अजेंड्यावर नव्हता, जो विषय आयत्या वेळी मांडला गेला ज्याला सूचक आणि अनुमोदक नसताना गोंधळ झाल्याने हे सत्ताधारी गटाचे दबावतंत्र असल्याचे बोलले जात आहे. यापूर्वीच्या सर्वसाधारण सभांमध्ये राष्ट्रवादी शप कडून भाजपला जोरदार विरोध पाहायला मिळाला नव्हता मात्र आजच्या सर्वसाधारण सभेत झालेला विरोध आणि गोंधळ नेमका कोण घडवून आणला याबद्दल उलट सुलट चर्चा सुरू आहेत. कागदावर नसलेली कमल आणि तुतारीची युती जास्त काळ टिकणार नसल्याचे यावरून बोलले जात आहे. गणेश नगर येथील पाइपलाइनच्या कामावरून हा गोंधळ झाला असून या गोंधळात अध्यक्ष आणि सचिवांना देखील अर्वाच्य भाषेत बोलले गेल्याने अध्यक्षांनी यावेळेस समज दिली असून पुन्हा असा प्रकार घडल्यास कारवाई करणार असल्याचे सांगितले. मात्र घडल्या प्रकाराबद्दल अध्यक्षाच्या दालनातील फुटेज आणि दोन्ही बाजूकडून भूमिका स्पष्ट होणार नाही तोपर्यंत गोंधळाचे कारण गुलदस्त्यात राहणार आहे.
शिवसेनेचा सभात्याग
सर्वसाधारण सभेचे इतिवृत लोकांसाठी खुले केले नसल्याने कालच शिवसेनेने तक्रार दिली होती त्यावरून नगरसेवक राजाभाऊ पवार यांनी सभात्याग केल्याने सभागृहात फक्त भाजप, राष्ट्रवादी आणि एमआयएमचे एक नगरसेवक यांचीच उपस्थिती होती.
- संजय निंबाळकर व भाजपचे नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
- पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
- तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
- परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त