धाराशिव : अण्णासाहेब पाटील आर्थिक मागास विकास महामंडळाचे मा. अध्यक्ष तथा मंत्री दर्जाचे श्री. नरेंद्र अण्णासाहेब पाटील यांचा जिल्हा दौरा २३ मे २०२५ रोजी होत आहे. या दौऱ्याच्या अनुषंगाने सकाळी ११.३० वाजता जिल्हाधिकारी कार्यालय, धाराशिव येथे महामंडळाच्या विविध योजनांचा आढावा घेण्यासाठी महत्त्वपूर्ण बैठक आयोजित करण्यात आली आहे.
राज्यातील आर्थिकदृष्ट्या मागास घटकातील, विशेषतः मराठा समाजातील युवकांना स्वयंपूर्ण बनविण्यासाठी राबविण्यात येत असलेल्या वैयक्तिक व गट कर्ज व्याज परतावा योजनांची प्रभावी अंमलबजावणी आणि त्याचा जिल्हानिहाय लाभ घेण्याची स्थिती यावर या बैठकीत सखोल चर्चा होणार आहे.
महामंडळाच्या या योजनांच्या माध्यमातून आतापर्यंत राज्यभरात रु. १,१२१ कोटींपेक्षा अधिक रक्कम लाभार्थ्यांना व्याज परताव्याच्या स्वरूपात वितरित करण्यात आली आहे.
सदर बैठकीसाठी जिल्ह्याचे उपनिबंधक (D.D.R.), मुख्य जिल्हा प्रबंधक (L.D.M.) व सर्व बँकांचे जिल्हा समन्वयक यांना उपस्थित राहण्याचे निर्देश देण्यात आले आहेत, जेणेकरून जिल्ह्यातील जास्तीत-जास्त तरुणांना योजनेचा लाभ मिळवून देता येईल.
या दौऱ्यामुळे धाराशिव जिल्ह्यातील युवकांना स्वावलंबी बनविण्याच्या दिशेने एक महत्त्वपूर्ण पाऊल टाकले जाणार असल्याची अपेक्षा व्यक्त केली जात आहे.
- संजय निंबाळकर व भाजपचे नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
- पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
- तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
- परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त